Krónan óvinur launafólks

„Íslenska krónan hefur sannarlega sýnt það í þessu hruni að hún er vinur framleiðanda sem flytja vörur sínar til útlanda en um leið svæsnasti óvinur launafólks þar sem veikindi hennar nærast á lækkuðum kaupmætti fólksins.“ Þetta segir Sigurður Bessason, formaður Eflingar, í leiðara Eflingarblaðsins.

Sigurður segir að þegar forystumenn launafólks og atvinnurekenda taki til skoðunar framhald kjarasamninga í næsta mánuði verði þeim mikill vandi á höndum. „Forsendur kjarasamninganna og flestar aðstæður á vinnumarkaði eru mjög andstæðar launafólki. Vonir sem bundnar voru við kjarasamningana í sumarbyrjun 2011 eru því miður ekki að skila launafólki þeim markmiðum sem stefnt var að - að minnsta kosti ekki fram að þessu.

Alvarlegast er að ekki hefur tekist að skapa á ný atvinnu í landinu. Þúsundir manna hafa flúið land til að leita betri lífskjara fyrir fjölskyldur sínar en þrátt fyrir það eru 12.000-13.000 manns sem enga atvinnu fá. Í Eflingu-stéttarfélagi eru um 2.400 manns án vinnu. Þessar tölur eru algerlega óásættanlegar. Stjórnvöld hafa í orði kveðnu stutt atvinnulífið í þeirri viðleitni að koma hjólum þess af stað en mikið hefur skort upp á framkvæmdina. Þegar kemur að efndum fyrirheita um atvinnuuppbyggingu er eins og hendur stjórnvalda séu bundnar.“

Leiðari Eflingarblaðsins

• 6 blogg um fréttina

Bloggað um fréttina

• Páll Vilhjálmsson: ASÍ er besti vinur fjármagnseigenda
• Ólafur Björn Ólafsson: Nú er barta ein spurning sem ég hef...
• Jóhann Elíasson: FYRST VITIÐ ER EKKI MEIRA EN ÞETTA..................
• Kjartan Eggertsson: Getuleysi sjórnvalda er svæsnasti óvinur launafólks.
• Tómas Ibsen Halldórsson: Er krónan óvinur okkar launamanna??????
• Ólafur Ragnarsson: "verkalýðsforustan"