Forstjóra FME sagt upp störfum
Setja bókamerki
Gunnari Andersen, forstjóra Fjármálaeftirlitsins, var í dag sagt upp störfum. Morgunblaðið hefur þetta eftir áreiðanlegum heimildum. Gunnar hefur andmælarétt til mánudags en hann fékk uppsagnarbréf sent til sín í dag.
Samkvæmt heimildum blaðsins er ástæða uppsagnarinnar umfjöllun Kastljóss um hans mál.
„Við settum þetta mál í ákveðið ferli í nóvember eftir fréttaumfjöllun þar sem því var haldið fram að það hefðu komið fram nýjar upplýsingar um hæfi Gunnars. Ferlið fól í sér þrennt. Í fyrsta lagi fengum við Andra Árnason til þess að athuga hvort eitthvað væri hæft í því að nýjar upplýsingar hefðu komið fram og að beiðni Andra var jafnframt líka kallað eftir upplýsingum frá regluverði Landsbankans og víðar,“ segir Aðalsteinn Leifsson, formaður stjórnar Fjármálaeftirlitsins, í samtali við Morgunblaðið.
„Í annan stað þá myndum við fela tveimur nýjum óháðum aðilum að fara yfir og rýna álitsgerðir Andra. Þetta voru Ástráður Haraldsson lögmaður og Ásbjörn Björnsson endurskoðandi. Í þriðja lagi að í framhaldi af þessu myndi stjórnin fjalla um málið og náttúrlega taka sínar ákvarðanir.“
Búist er við því að stjórn Fjármálaeftirlitsins komi með tilkynningu vegna þessa máls eftir helgina, sennilega á þriðjudag.
Gunnar hefur gegnt stöðu forstjóra Fjármálaeftirlitsins í tæp þrjú ár.
Quang Le: „Rottuskíturinn kom mér á óvart“
Segja 20 liðsmenn Hisbollah látna
Davíð Viðarsson var skyndihugdetta
Algeng laun 1,4 til 2,2 milljónir
Átta til tólf erlendir glæpahópar
Búið að fella björninn
Eina leiðin var að fella björninn
Fjarskiptatæki um alla borg sprungu samtímis