Deiluskipulaginu breytt
Setja bókamerki
Samkomulag um lóðir og skipulagsmál í tengslum við framtíðaruppbyggingu Landspítala Háskólasjúkrahúss og Háskóla Íslands norðan Hringbrautar var undirritað í hádeginu.
Jón Gnarr borgarstjóri, Oddný G. Harðardóttir fjármálaráðherra og Guðbjartur Hannesson velferðarráðherra rituðu undir samkomulagið um lóðir og skipulagsmál í tengslum við framtíðaruppbyggingu Landspítala Háskólasjúkrahúss (LSH) og Háskóla Íslands (HÍ) norðan Hringbrautar.
Í fyrirliggjandi tillögum að deiliskipulagi svæðisins er gert ráð fyrir að því byggingarmagni sem áður hafði verið gert ráð fyrir á A-, B-, C- og U-reitum verði nú komið fyrir á A- og B-reit, samkvæmt tilkynningu.
Samningar ríkisins og Reykjavíkurborgar um lóðamál LSH og byggingarrétt fyrir spítalann og HÍ teygja sig allt aftur til ársins 1969. Þeim var síðast breytt árið 2006.
„Fulltrúar framkvæmda- og eignasviðs og skipulags- og byggingarsviðs hafa unnið að endurskoðun samninga Reykjavíkurborgar og ríkisins með það að markmiði að endurheimta byggingarétt á C- og U-reit auk þess sem áhersla hefur verið lögð á að Reykjavíkurborg fái í sinn hlut byggingarrétt að randbyggð við Hringbraut, neðan sjúkrahússlóðarinnar.
Um er að ræða verðmætt byggingarland í hjarta Reykjavíkur. Í hlut ríkisins kemur aukið byggingarmagn á A- og B-reit skv. núverandi tillögu að deiliskipulagi svæðisins. Jafnframt komast aðilar að samkomulagi um endurskoðun deiliskipulags á norðurhluta svæðisins, þ.e. núverandi athafnasvæði Landspítalans. Samkomulagið er háð endanlegu samþykki og gildistöku deiliskipulags á svæðinu,“ segir í fréttatilkynningu.
Of margir nemendur og ákall um hæft starfsfólk
Lögreglan leitar eftir myndefni í tengslum við andlátið
Glæpastarfsemi orðin mun skipulagðari
Búið að fella björninn
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Mikilvægt að úrræði séu endurskoðuð