Klukkan 13 í dag, á sama tíma og fólk byrjar að safnast saman á horni Snorrabrautar og Laugavegar fyrir árlega kröfugöngu verkalýðsfélaganna, verða dyr verslana í Kringlunni og Smáralind opnar.
Fjöldi verslana annars staðar er líka opinn, hvað sem gagnrýni VR og ASÍ líður.
Í umfjöllun um þetta mál í Morgunblaðinu í dag kemur fram, að Stefán Einar Stefánsson, formaður VR, gerir ráð fyrir að hann muni á næsta ári afla sér upplýsinga um eignarhluti lífeyrissjóða í verslunum og fasteignafélögum og þrýsta á í gegnum eignarhaldið að frídagurinn verði virtur. „Þetta verður ekki gefið eftir,“ segir hann.