„Þetta er allt saman vitleysa“

„Ríkisstjórnin stærir sig af því að hafa fækkað ráðuneytum og að þannig sé verið að minnka báknið og spara,“ segir Ragnheiður Elín Árnadóttir, þingmaður Sjálfstæðisflokksins, á Facebook-síðu sinni og vísar þar til þeirra breytingar sem stjórnvöld hafa gert á ráðuneytaskipan í landinu og hyggjast gera ekki síst með sameiningu ráðuneyta.

„En þetta er allt saman vitleysa,“ segir Ragnheiður. Ráðuneytin séu fyrir vikið orðin of stór þannig að ráðherrum sé ómögulegt að hafa yfirsýn yfir þau verkefni sem heyra undir þá.

„En þá kemur vinstristjórnin með lausnina - fyrst fjölgar hún aðstoðarmönnum ráðherra með tilheyrandi kostnaði og nú ætlar hún að fjölga ráðherrum í hverju ráðuneyti. Allt kostar þetta skattborgarana fleiri hundruð milljónir og maður spyr sig hvað sé unnið með þessum misheppnaða leiðangri?“

Facebook-síða Ragnheiðar Elínar Árnadóttur

• 2 blogg um fréttina

Bloggað um fréttina

• Eggert Guðmundsson: Gerið eitthvað.
• Jakobína Ingunn Ólafsdóttir: Við þurfum ekki óvini erlendis frá