Þingfundi frestað fram á mánudag

Forseti Alþingis frestaði þingfundi kl. 00.22 í nótt, en þá var enn á annan tug þingmanna á mælendaskrá í umræðu um veiðigjald. Engir þingfundir verða um helgina en þingfundur hefst að nýju á mánudag, og að óbreyttu heldur umræðan um veiðigjald áfram.

Eins og sagt var frá á mbl.is í gærkvöldi var mikil andstaða meðal stjórnarandstæðinga að haldinn skyldi kvöldfundur, m.a. af þeirri ástæðu að þingmenn þyrftu að komast til sinna kjördæma og halda upp á Sjómannadaginn á sunnudag. Einn var sá sem vildi funda sem lengst, utanríkisráðherrann Össur Skarphéðinsson. Í lokaræðu kvöldsins benti Birgir Ármannsson, þingmaður Sjálfstæðisflokks, hins vegar á að Össur hefði læðst út úr húsi fljótlega eftir að hann lét orðin falla.

• 1 blogg um fréttina

Bloggað um fréttina

• Haraldur Haraldsson: Þingfundi frestað fram á mánudag/Hvað skal segja:,Jú ílt skal með …