„Þetta er enn ein vísbendingin um að það þurfi að bæta lagaumhverfið. Þetta er líka vísbending um að sá hópur sem lögreglan er að fást við er í auknum mæli að vígbúast og virðist vera að taka saman upplýsingar um lögreglumenn með skipulegri hætti. Maður veltir því fyrir sér í hvaða tilgangi það er gert.“

Þetta segir Steinar Adolfsson, framkvæmdastjóri Landssambands lögreglumanna, í umfjöllun um þetta mál í Morgunblaðinu í dag. Tilefnið er árás sem liðsmenn glæpagengisins Outlaws skipulögðu á lögreglumenn en henni var hrundið með handtökum í fyrrakvöld.

Steinar telur málið sýna að lögreglan þurfi meiri rannsóknarheimildir, enda sé Ísland veikur hlekkur í samstarfi Norðurlandaþjóða gegn skipulagðri brotastarfsemi.

Sigríður Björk Guðjónsdóttir, lögreglustjóri á Suðurnesjum, segir að skipulögð glæpastarfsemi kalli á auknar heimildir lögreglu. „Lögreglan þarf betri tæki og tól.“

Tengdar fréttir

Skipulögð glæpastarfsemi

Brotastarfsemi tekið breytingum til hins verra

• Grunaðir um tengsl við skipulagða glæpastarfsemi
• Þakklátur viðbrögðum stjórnvalda
• Umsóknin heldur áfram í kerfinu
• Ráðherrar bregðast við ógn

» Fleiri tengdar fréttir