Tilkynnt reglulega um rottur

Meindýravarnir Reykjavíkurborgar fá reglulega tilkynningar frá fólki sem verður vart við rottur í borgarlandinu.

Guðmundur Björnsson rekstrarstjóri segir engan faraldur í gangi og tilkynningar komi yfirleitt í tengslum við bilanir á lögnum eða framkvæmdir eins og húsrif og viðhald.

Hann segir brögð vera að því að verktakar trassi að ganga tryggilega frá lögnum í húsgrunnum. Sé það ekki gert séu rotturnar fljótar að skjóta upp kollinum. Guðmundur segir engin svæði borgarinnar skera sig úr hvað þetta varðar. Rotturnar lifi góðu lífi í holræsakerfi borgarinnar.