Segir Árna Pál hafa sigrað fulltrúa Jóhönnuarmsins
Setja bókamerki
Björn Bjarnason, fyrrverandi dómsmálaráðherra, segir á heimasíðu sinni að Árni Páll Árnason, þingmaður Samfylkingarinnar, hafi í prófkjöri flokksins í Suðvesturkjördæmi í gær sigrað frambjóðanda Jóhönnuarmsins innan hans sem vilji ekki annað en samstarf til vinstri. „Ætli þessi armur að halda völdum innan Samfylkingarinnar verður hann að finna öflugan frambjóðanda á móti Árna Páli í væntanlegum formannsslag.“
Hann segir stóru tíðindin í prófkjörum gærdagsins hins vegar þau að Vilhjálmur Bjarnason fjárfestir komist í væntanlegan þingflokk Sjálfstæðisflokksins eftir að hafa náð 4. sætinu í prófkjöri flokksins í Suðvesturkjördæmi í gær. Elín Hirst standi í dyragættinni, en hún náði 5. sæti, og hugsanlega Óli Björn Kárason sem náði því sjötta. Það fari eftir sóknarhug í komandi kosningabaráttu hvort sex sjálfstæðismenn nái kjöri á þing.
„Sigmundur Ernir fær skell hjá Samfylkingunni í Norðausturkjördæmi og verður ekki á þingi fyrir hana. Kannski gerist hann pólitískur flóttamaður og eygir bjarta framtíð annars staðar. Erna Indriðadóttir er spútnik hjá Samfylkingunni á Austfjörðum og sest í annað sæti listans,“ segir Björn ennfremur og vísar til þess að Sigmundur Ernir Rúnarsson, þingmaður Samfylkingarinnar, lenti í 5. sæti í flokksvali Samfylkingarinnar í Norðausturkjördæmi.
Hann lýkur síðan skrifum sínum með því að geta þess að fjölmenni hafi verið við opnun kosningaskrifstofu Hönnu Birnu Kristjánsdóttur, oddvita sjálfstæðismanna í Reykjavík, í gær. „Er greinilega mikill hugur í sjálfstæðismönnum í Reykjavík að veita henni öflugan stuðning.“
Bergnuminn í Hvalfirði
Væri að ljúga ef ég segðist ekki stressaður
Norskur lögreglumaður dæmdur
Breytingar á skipulagi fréttadeildar RÚV
Hvorki sést áður hér á landi né annars staðar
Skaut sex sinnum að feðginum á aðfangadagskvöld
Frambjóðendur skila inn listum í Hörpu
Vonast til að tjaldbúðir við HÍ standi áfram