Mörður Árnason, framsögumaður meirihluta umhverfis- og samgöngunefndar fyrir áliti um rammaáætlunina, segist stefna að því að álitið verði sent út úr nefndinni á mánudag. Drög að álitinu upp á 40 síður séu tilbúin.
Hann segir meirihluta vera í nefndinni fyrir óbreyttri þingsályktunartillögu umhverfisráðherra, engar breytingartillögur séu gerðar. Jafnframt telur Mörður að meirihluti sé fyrir málinu á Alþingi.
Umhverfis- og samgöngunefnd Alþingis fundar um málið í dag, þar sem einn gestur kemur fyrir nefndina. Atvinnuveganefnd þingsins er einnig á fundi í dag, þar sem rammaáætlunin er á dagskrá.