Höskuldur Þórhallsson fékk 67% atkvæða í annað sætið á lista Framsóknarflokksins í Norðausturkjördæmi. Hann ákvað að bjóða sig fram í annað sætið eftir að Sigmundur Davíð Gunnlaugsson, formaður flokksins, fékk flest atkvæði í kosningu um fyrsta sætið.

Í fréttum Ríkisútvarpsins klukkan 14 kom fram að Höskuldur hefði fengið 231 atkvæði af 345 í annað sætið og var kjöri hans fagnað með standandi lófataki. Ekki hefur náðst í formann kjördæmasambands framsóknarmanna í NA-kjördæmi né Sigmund Davíð en kjördæmaþing stendur nú yfir á Mývatni þar sem valið er í sjö efstu sætin á lista Framsóknarflokksins í NA-kjördæmi.

Líkt og fram hefur komið fékk Sigmundur Davíð 63% atkvæða í fyrsta sætið og Höskuldur 35%.

Líneik Anna Sævarsdóttir, skólastjóri á Fáskrúðsfirði, fékk næstflest atkvæði í annað sæti listans.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Að kunna að marséra í takt.
• Axel Jóhann Hallgrímsson: Geymt en ekki gleymt