Stormur um landið sunnanvert
Setja bókamerki
Vegagerðin segir í tilkynningu að vindröst með austanstormi nái syðst inn á landið. Reiknað sé með vindhviðum undir Eyjafjöllum allt til morguns, 30-40 m/s. Víðast hvar helst hitinn ofan frostmarks enn um sinn, en fer hægt kólnandi í fyrramálið.
Færð og aðstæður
Hálka eða hálkublettir eru á fáeinum stöðum um sunnan- og vestanvert landið en annars eru vegir að mestu greiðfærir.
Á Vestfjörðum er hálka og hálkublettir víðast hvar en þó er flughált á Dynjandisheiði og í Trostansfirði.
Áframhaldandi hálka eða hálkublettir eru svo víða á Norðurlandi en flughálka í Fnjóskadal.
Hálka eða hálkublettir eru einnig víða á Austurlandi en flughált austan megin í Hofsárdal í Vopnafirði, í Hróarstungu, Jökulsárhlíð og á Efri-Jökuldal.
Suðaustanlands eru vegir nú greiðfærir en vegna samfelldrar rigningar og leysinga er ennþá hætt við grjóthruni þar sem vegur liggur undir bröttum hlíðum.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi. Sjá staðsetningu hreindýra hér.
Vangaveltur gengu lengra en innistæða var fyrir
Komu saman á kyrrðar- og bænastund
Mikill útflutningur frá Vestfjörðum
Gerðu umfangsmiklar loftárásir á Líbanon
Eina leiðin var að fella björninn
Eðlileg viðbrögð að fella tár
Maðurinn sem leitað var að fannst látinn