Börnin frá Kjóastöðum fagna 974 ára afmæli sínu

Engin systkini eru eins gömul samanlagt og börn hjónanna Jónasar Ólafssonar og Sigríðar Gústafsdóttur frá Kjóastöðum í Biskupstungum, enda eru þau hvorki meira né minna en sextán talsins.

Þriðja elsta systkinið, Ólafur, er sjötugur í dag, og er heildaraldur systkinanna því nú heil 974 ár. Endist þeim aldur til geta þau náð þúsund ára aldri samtals í september árið 2014.

Í umfjöllun um fjölskylduna í Morgunblaðinu í dag kemur rfam, að afkomendur hjónanna á Kjóastöðum eru nú komnir á annað hundraðið en það 160. fæðist í febrúar. Þeirra á meðal eru tvö barnabarnabarnabörn.