45% vilja afgreiða frumvarpið
Setja bókamerki
Mjög skiptar skoðanir eru um það á meðal landsmanna hvort mikilvægt sé að afgreiða frumvarp að nýrri stjórnarskrá fyrir þingkosningarnar í apríl ef marka má niðurstöður nýrrar skoðanakönnunar Fréttablaðsins og Stöðvar 2.
Þannig eru 45% þeirrar skoðunar að mikilvægt sé að afgreiða málið fyrir kosningar en 39% telja það ekki brýnt. Meiri stuðningur er við afgreiðslu málsins á þessu þingi á meðal kvenna og íbúa höfuðborgarsvæðisins.
Mestur stuðningur við að afgreiða málið fyrir kosningar er hjá kjósendum Bjartrar framtíðar eða 67%. Næst koma kjósendur Samfylkingarinnar, en 60% þeirra styðja þann kost, og loks kjósendur Vinstrihreyfingarinnar - græns framboðs en stuðningur á meðal þeirra er 59% samkvæmt könnuninni.
Þá eru 54% þeirra sem nefna engan flokk á því að afgreiða eigi málið fyrir kosningarnar samkvæmt niðurstöðum hennar, 34% kjósenda Framsóknarflokksins en aðeins 18% kjósenda Sjálfstæðisflokksins.
Ríkisfjármálin ósjálfbær þó staðan sé góð
„Síðustu leifar náttúrulegs lífs á Íslandi“
Rímar „engan veginn“ við Veðurstofuna
Verkefnin snúa að velferð fólksins
„Stjórnvöld láti af sjúklegri undirgefni sinni“
„Höldum áfram að fylgjast með“
Dreymdi sjö seli: Katrín verður forseti
Ræða um rekstrarleyfi til 16 ára