Faldi landa í jörðu

Lögreglan á Selfossi fékk ábendingu um að talsvert magn af landa hafi fundist grafið í jörðu á bæ í Hrunamannahreppi. Holan var um tveir metrar á lengd og einn metri á breidd klædd að innan með krossviði og tyrft yfir. Í holunni voru hátt í 170 lítrar af um 40% landa.

Við rannsókn kom í ljós að landinn var í eigu manns sem var handtekinn fyrir í janúar síðastliðinn fyrir brugg og landaframleiðslu.  Þá var haldlagt álíka magn af landa og nú var gert.  Maðurinn hefur verið yfirheyrður og viðurkenndi hann að hafa framleitt landann á síðasta ári og komið honum fyrir í holunni.

• 1 blogg um fréttina

Bloggað um fréttina

• Leifur Þorsteinsson: Kristilegt líferni