Vantrauststillaga ekki á dagskrá

Þingfundi Alþingis lauk á ellefta tímanum í kvöld. Til nýs fundar er boðað kl. 10.30 í fyrramálið. Á dagskrá fundarins sem birt er á vef Alþingis er ekki að finna vantrausttillögu Þórs Saari, þingmanns Hreyfingarinnar.

Eins og greint var frá á mbl.is lagði Þór Saari fram vantrausttillögu sína öðru sinni í dag. Hann fór þess einnig á leit við forseta Alþingis að tillagan yrði sett á dagskrá á morgun, fimmtudag. Svo virðist því sem Ásta Ragnheiður Jóhannesdóttir, forseti Alþingis, hafi ekki orðið við þeirri ósk.

Meðal þess sem er á dagskrá eru frumvörp um lífeyrisréttindi almannatrygginga og félagslegan stuðning, slysatryggingar almannatrygginga, lánasjóð íslenskra námsmanna og kísilver í landi Bakka.

• 1 blogg um fréttina

Bloggað um fréttina

• Ásthildur Cesil Þórðardóttir: Þór Saari og vantraustið frá mínum sjónarhóli.