Rúmlega 260 hreindýraleyfum verður úthlutað að nýju þar sem þeim var skilað inn eða staðfestingargjald ekki greitt fyrir tilskilinn tíma. Þetta kemur fram í frétt á vef umhverfisstofnunar í dag.
Fyrstu leyfunum er úthlutað á þá sem eru á fimmskiptalista á hverju svæði og síðan eftir röð á biðlista sem varð til við útdráttinn í febrúar.
Í ár verður leyft að fella 1.229 hreindýr og samsvarar þetta því 21% veiðileyfa sem verður endurúthlutað.
Í frétt UST segir að þeir sem fái úthlutun nú fái sendan tölvupóst í byrjun næstu viku.
Færri sækja um hreindýraveiðileyfi