„Viðræður um aðlögun lagasetningar Íslands að Evrópusambandinu hafa gengið með einföldum hætti fyrir sig utan einn málaflokk, sjávarútveg. Íslendingar vilja halda fullveldinu yfir auðugum fiskimiðum sínum, Evrópusambandið leggur áherslu á sameiginlegar reglur,“ segir á fréttavefnum Euobserver.com í gær þar sem fjallað er um þingkosningarnar hér á landi næstkomandi laugardag með tilliti til Evrópumála.

Fram kemur í fréttinni að búist sé við að kjósendur afþakki frekari ríkisstjórnarsetu Samfylkingarinnar sem styðji inngöngu í Evrópusambandið en geri hins vegar Framsóknarflokknum fært að setjast í ríkisstjórn. Möguleg ríkisstjórn Framsóknarflokksins og Sjálfstæðisflokksins kunni í kjölfarið að boða til þjóðaratkvæðis um framhald viðræðnanna.

Ennfremur segir að umsóknin um inngöngu í Evrópusambandið hafi verið mjög umdeild meðal Íslendinga síðan Jóhanna Sigurðardóttir, forsætisráðherra, hafi sótt um inngöngu í júlí 2009 og heitið því að halda þjóðaratkvæði um niðurstöðu viðræðnanna.

Þá er vitnað í nýlega skoðanakönnun Fréttablaðsins og Stöðvar 2 sem hafi sýnt að 55% Íslendinga vilji að viðræðunum verði lokið og síðan fari fram þjóðaratkvæði um það hvort gengið verði í Evrópusambandið en um þriðjungur vilji draga umsóknina til baka.

Frétt Euobserver.com

AFP

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Heimssýn: ESB vill stjórna fiskveiðiauðlind Íslendinga segir EUobserver
• Ólafur Örn Jónsson: EINOKUN í sjávarútvegi þrýstir okkur inní ESB