Þrír leikskólar, þrír grunnskólar, tveir félagsmiðstöðvar og Skólahljómsveit Austurbæjar fengu í dag hvatningarverðlaun Reykjavíkurborgar fyrir framsækið skóla- og frístundastarf. Alls bárust 59 tilnefningar til verðlaunanna.
Þetta er í fyrsta sinn sem hvatningarverðlaun voru veitt samtímis fyrir metnaðarfullt fagstarf í leikskólum, grunnskólum og frístundamiðstöðvum borgarinnar. Markmið þeirra er að vekja athygli á gróskumiklu starfi og hvetja til nýbreytni- og þróunarstarfs.
Leitað var eftir tilnefningum til hvatningarverðlaunanna hjá foreldrum, kennurum, starfsfólki, skólum og öðrum borgarstofnunum. Jón Gnarr borgarstjóri og Oddný Sturludóttir formaður íþrótta- og tómstundaráðs afhentu verðlaunin í Ráðhúsi Reykjavíkur en verðlaunagripirnir eru eftir listakonuna Ingibjörgu H. Ágústsdóttur.
Verðlaunin hlutu:
- Leikskólinn Blásalir fyrir verkefnið, Jörðin snýst og við líka (The earth is moving and so are we). Nordplus verkefni.
- Leikskólinn Laufskálar fyrir verkefnið, Leiklistarleikskóli.
- Leikskólinn Sæborg fyrir verkefnið, Okkar Sæborg.
- Háteigsskóli fyrir verkefnið, Verkhringur á unglingastigi.
- Hólabrekkuskóli fyrir verkefnið, Olympics International.
- Laugarnesskóli fyrir verkefnið, Foreldrar bregða á leik í stærðfræði.
- Félagsmiðstöðvar Miðbergs, hæfileikakeppnin Breiðholt´s got talent.
- Félagsmiðstöðvar Kamps, Stuttmyndahátíðin Hilmarinn.
- Skólahljómsveit Austurbæjar.
Að auki hlutu tvö samstarfsverkefni í hverfum viðurkenningu.
- Samstarfsverkefnið Okkar mál í Fellahverfi. Þeir sem eiga aðild að því eru leikskólinn Ösp, leikskólinn Holt og Fellaskóli.
- Vesturbæjarfléttan. Allir leikskólar í Vesturbæ (Drafnarsteinn, Grandaborg, Gullborg, Hagaborg, Mýri, Tjarnarborg/Öldukot, Sæborg, Vesturborg og Sæborg) grunnskólar, (Grandaskóli, Melaskóli, Vesturbæjarskóli og Hagaskóli) frístundarheimili (Frostheimar, Selið, Undraland og Skýjaborgir) og félagsmiðstöðin Frosti.