„Samningum af hálfu ESB verður aðeins lokið við  íslensk stjórnvöld, ríkisstjórn sem vill ganga í ESB. Ríkisstjórnin verður að skrifa upp á samninginn fyrir sitt leyti og mæla með samþykkt hans. Það er hluti af því að ljúka samningnum. Þetta hefur verið ljóst frá byrjun.“

Þetta segir Jón Bjarnason, fyrrverandi sjávarútvegs- og landbúnaðarráðherra, á heimasíðu sinni í dag. Hann tekur þar undir með Sigmundi Davíð Gunnlaugssyni, forsætisráðherra, um að umsóknin um inngöngu í Evrópusambandið flokkist sem fullveldismál og um slík mál hafi forseti lýðveldisins fullan rétt til þess að tjá skoðun sína „enda var hann kosinn út á hana sem forseti.“

„Ég var ekki hrifinn af útrásardekri forsetans á sínum tíma. En framlag hans síðustu misseri í einörðum málflutningi fyrir fullveldi og sjálfsákvörðunarrétti Íslendinga hefur skipt miklu máli. Ég  tek undir með forseta Íslands um að umsóknina að ESB á að afturkalla strax og refjalaust,“ segir Jón ennfremur.

Grein Jóns Bjarnasonar

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Forsenda þjóðaratkvæðis er ESB-meirihluti á þingi