„Menn stilli kröfum í hóf“

Gylfi Arnbjörnsson, forseti ASÍ, Ólafur Darri Andrason, hagfræðingur ASÍ, Páll ...
Gylfi Arnbjörnsson, forseti ASÍ, Ólafur Darri Andrason, hagfræðingur ASÍ, Páll Halldórsson, varaformaðu BHM og Benedikt Árnason, efnahagsráðunautur forsætisráðherra. mbl.is/Ómar Óskarsson

„Menn verða að stilla kröfum í hóf og í samræmi við þá stöðu sem uppi er hverju sinni,“ sagði Bjarni Benediktsson fjármálaráðherra að loknum fundi með aðilum vinnumarkaðarins sem haldinn var í ráðherrabústaðnum við Tjarnargötu í dag. Á fundinum var rætt um gerð kjarasamninga.

Á fundinn mættu fulltrúar Samtaka atvinnulífsins, ASÍ, BSRB, Bandalags háskólamanna, Kennarasambandsins, Sambands íslenskra sveitarfélaga og Bændasamtaka Íslands.

Bjarni sagði að ríkisstjórnin hefði skipað sérstaka ráðherranefnd sem hefur verið falið að fylgjast með því sem er að gerast í viðræðum aðila á vinnumarkaði. „Við viljum tryggja að samráðsferlið geti verið skilvirkt. Það má kalla þetta fyrsta fund þar sem við gerðum grein fyrir hvernig við viljum standa að þessu. Við höfum þegar stutt við viðleitni aðila vinnumarkaðarins til að bæta faglega vinnu við gerð kjarasamninga. Þetta var góður fyrsti fundur þar sem menn voru að lýsa væntingum og því sem framundan er.“

Bjarni sagði að aðilar vinnumarkaðarins myndu núna halda áfram vinnu við gerð kjarasamninga. „En við munum koma fram með skýr skilaboð um hvernig við sjáum fyrir okkur að ríkið geti beitt sér í því augnamiði að styrkja bæði stöðu atvinnulífsins og launþeganna landinu. Ráðherranefndin og embættismenn sem starfa með henni munu taka við skilaboðum meðan á kjaraviðræðunum stendur og vinna með innan stjórnkerfisins.“

„Menn verða að stilla kröfum í hóf og í samræmi við þá stöðu sem uppi er hverju sinni. Sagan sýnir að þegar menn gera það ekki þá endum við í verðbólguskeiði og kjararýrnun sem aftur leiðir til óróa á vinnumarkaði. Á þessum tímapunkti sá ég ástæðu til þess að rifja þetta upp og tala fyrir því að menn einbeittu sér að því, m.a. með bættum vinnubrögðum við kjarasamningagerð, að tryggja að þær kjarabætur sem verið væri að semja um fyrir launþega í landinu héldust í hendur við stöðuna í hagkerfinu og getu atvinnurekenda til að koma til móts við væntingar sem þar eru uppi. Við munum leggja okkar af mörkum. Sumt verður ekki við ráðið eins og eftirspurn eftir framleiðslu okkar á erlendum mörkuðum, en ef að ríkisstjórnin leggur sitt af mörkum með því að ná hallalausum fjárlögum sem allra fyrst, með því að beita aðgerðum sínum til samræmis við það sem helst er verið að kalla eftir frá fólkinu í landinu og ef aðila vinnumarkaðarins fara ekki fram úr sér í kjarasamningagerð þá tel ég að við séum í kjörstöðu í dag til að hefja nýtt skeið þar sem meiri stöðugleiki verður viðvarandi og raunhæfur vöxtur sömuleiðis, þ.e.a.s. góður vöxtur undir raunhæfar kjarabætur.“

Bjarni sagði að það væri ríkur vilji hjá stjórnvöldum til að hafa samráð um þróun húsnæðismála. Þetta hefði komið fram á fundinum. Hann sagðist vera tilbúinn til að vinna áfram með hugmyndir sem t.d. ASÍ hefði kynnt. „Ég vil láta reyna á möguleikann til þess að þróum lánakerfi þar sem óverðtryggð lán eru meginlínan. Til að það geti orðið þurfum við að skapa umhverfi fyrir óverðtryggða langtímavexti.“

Vantar betri upplýsingar um stefnu stjórnvalda

Gylfi Arnbjörnsson, forseti ASÍ sagði að á fundinum hefði Sigmundur Davíð Gunnlaugsson forsætisráðherra gert grein fyrir því hvernig hann sæi fyrir sér að ríkisstjórnin kæmi að umfjöllun um gerð kjarasamninga. „Við þurfum að fá betri upplýsingar um stefnu stjórnvalda. Þegar fjárlagafrumvarpið kemur fram þá birtist stefna ríkisstjórnarinnar í mörgum málum, bæði efnahags- og félagsmálum. Væntingar okkar um gengi og verðlag á næstu misserum skipta líka miklu máli. Það er óvissa í kringum þetta. Það skiptir líka máli hvernig peningastefnan verður skilgreind.“

Þorsteinn Víglundsson, framkvæmdastjóri Samtaka atvinnulífsins, sagði ánægjulegt að sjá að stjórnvöld væru að efna til samráðs, sem SA hefði kallað skýrt eftir. „Það er mikilvægt að fá skýra sýn á efnahagsstefnu stjórnvalda. Hún var kannski ekki dregin upp á þessum fundi, enda stuttur fundur, en það er fagnaðarefni að vinnan er a.m.k. farin af stað.

Við erum að leggja áherslu á að hér verði verðmætasköpun til framtíðar. Við höfum lagt áherslu á að breyta vinnubrögðum við gerð kjarasamninga með það að markmiði að ná efnahagslegum stöðugleika, lægri verðbólgu, lækkandi vöxtum og aukinni fjárfestingu sem er grundvöllur þess að við getum hafið lífskjarasókn að nýju. Það er mikilvægt að efnahagsstefna stjórnvalda styðji við okkar aðgerðir. Við erum þá að horfa til bæði skattkerfis, hvernig peningamálastefnan verður mótuð og efnahagsstefnan á breiðum línum,“ sagði Þorsteinn.

Sigmundur Davíð Gunnlaugsson, forsætisráðherra heilsar Karli Björnssyni, framkvæmdastjóra Sambands íslenskra ...
Sigmundur Davíð Gunnlaugsson, forsætisráðherra heilsar Karli Björnssyni, framkvæmdastjóra Sambands íslenskra sveitarfélaga. mbl.is/Ómar Óskarsson
mbl.is

Bloggað um fréttina

Innlent »

„Þeir höfðu keypt gallað hús“

22:01 „Lífeyrissjóðirnir selja húsið ódýrara en samningurinn kveður á um og afsala sér rétti til þeirra tekna sem þeim voru áskyldar í leigusamningi,“ segir Bjarni Bjarnason, forstjóri Orkuveitunnar, um kaup félagsins á húseignunum á Bæjarhálsi 1. Meira »

Vegum lokað vegna veðurs

21:59 Norðanstormur og hríð er víða á Norðurlandi og af þeim sökum er búið að loka veginum um Ólafsfjarðarmúla. Áður hafði Siglufjarðarvegi verið lokað síðdegis en snjóflóð féll á veginn. Meira »

Breið stjórn og uppbygging – kunnuglegt?

21:21 Fari svo að ríkisstjórn VG, Sjálfstæðisflokksins og Framsóknarflokksins verði að veruleika eins og virðist stefna í verður um sögulegan atburða að ræða enda hafa Sjálfstæðisflokkurinn og flokkurinn lengst til vinstri á Alþingi ekki starfað saman í ríkisstjórn síðan í nýsköpunarstjórninni svonefndri. Meira »

Skólpið í rétta átt á tveimur hótelum

20:46 Í lok nóvember verður lokið við að reisa nýtt viðbótar hreinsivirki fyrir skólp á Foss-hótelinu Vatnajökul á Lindarbakka við Höfn. Í september gerði Heil­brigðis­eft­ir­lit Aust­ur­lands at­huga­semd­ir við lé­lega skólp­hreins­un hótelsins og veitti frest til úrbóta til 20. nóvember í dag. Meira »

Kynnir háskólanemum landið

20:09 Herdís Friðriksdóttir, verkefnastjóri og eigandi ferðaskrifstofunnar Understand Iceland, fékk nýverið styrk til að kynna erlendum háskólanemum sjálfbærni og umhverfisvernd á Suðurlandi. Meira »

Glaðari konur og glaðari karlar

19:44 Kvenréttindafélag Íslands fagnar 110 ára afmæli sínu í ár. Í stað þess að efna til rjómatertusamsætis færði félagið öllum fyrsta árs framhaldsskólanemum á landinu bók að gjöf. Við ættum öll að vera femínistar eftir nígerísku skáldkonuna Chimamanda Ngozi Adichie kom út 27. september, á fæðingardegi Bríetar Bjarnhéðinsdóttur, stofnanda félagsins. Meira »

Gjóskuflóð færu hratt niður hlíðar

19:11 „Eldur upp kom í Litla-Héraði og eyddi allt héraðið. Höfðu þar áður verið 70 bæir. Lifði engin kvik kind eftir utan ein öldruð kona, og kapall.“ Svo stendur ritað í Oddverjaannál, um þær hamfarir sem fylgdu eldgosinu í Hnappafellsjökli í júní árið 1362. Meira »

Sýknaður því hann mætti ekki

19:34 Héraðsdómur Suðurlands hefur sýknað mann og tvö fyrirtæki hans af meiri háttar brotum gegn skattalögum. Sýknudómurinn grundvallast af skorti á gögnum. Í honum kemur meðal annars fram að héraðssaksóknari gekk ekki á eftir því að maðurinn sem var ákærður myndi mæta við aðalmeðferð. Meira »

Kaupa rakaskemmdar höfuðstöðvar

18:46 Orkuveitan hefur keypt aftur höfuðstöðvar sínar á Bæjarhálsi 1 af fasteignafélaginu Fossi. Kaupverð er fimm og hálfur milljarður en um þriðjungur húsanna er stórskemmdur af raka. Meira »

Veður getur hamlað eftirliti

18:14 Slæm veðurspá getur sett strik í reikninginn þegar kemur að eftirliti með Öræfajökli næstu dagana. Tveir menn á vegum Veðurstofu Íslands héldu af stað austur að jökli um miðjan dag, með það fyrir augum að taka sýni úr ám sem renna undan jöklinum. Meira »

Keyrði inn í Hagkaup á Eiðistorgi

18:10 Óhapp varð nú síðdegis þegar eldri kona missti stjórn á bifreið sinni með þeim afleiðingum að hún keyrði inn í verslun Hagkaupa á Seltjarnarnesi. Meira »

Telur hægt að útiloka sekt Thomasar

17:50 Munnlegur málflutningur fór í dag fram í máli Thomasar Møller Olsen gegn íslenska ríkinu, þar sem verjandi Thomasar fór fram á að dómkvaddur matsmaður, „hæfur og óvilhallur“, yrði fenginn til að leggja mat á hvar Birnu Brjánsdóttur var komið fyrir, með það fyrir augum að útiloka sekt hans. Meira »

Vilja ná 80% vefsíðna í loftið í dag

17:38 Um 60% af þeim vefsíðum sem eru í hýsingu hjá fyrirtækinu 1984, sem lenti í kerfishruni síðasta miðvikudag, eru komnar upp aftur. Mörður Ingólfsson, framkvæmdastjóri fyrirtækisins, segir í samtali við mbl.is að gert sé ráð fyrir að ná upp allt að 80% síðnanna í dag. Meira »

Kvennaathvarfið hlaut viðurkenningu Barnaheilla

16:50 Kvennaathvarfið hlaut í dag viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni. Meira »

Mikil svifryksmengun í höfuðborginni

16:18 Styrk­ur svifryks og köfnunarefnisdíoxíðs er hár við helstu um­ferðargöt­ur borg­ar­inn­ar sam­kvæmt mæl­ing­um við Grens­ás­veg og færanlegum mælistöðvum Heilbrigðiseftirlits Reykjavíkur við Eiríksgötu 2 og Hringbraut 26. Meira »

Áfram í varðhaldi grunaður um peningaþvætti

17:14 Hæstirétt­ur staðfesti í dag að níg­er­ísk­ur karl­maður skuli áfram sæta gæslu­v­arðhaldi vegna gruns um pen­ingaþvætti. Varnaraðili hafði kært úrskurð Héraðsdóms Reykjaness frá því fyrir helgi en þar segir að manninum sé gert að sæta gæsluvarðhaldi til 14. desember. Meira »

Siglufjarðarvegur lokaður vegna snjóflóðs

16:35 Siglufjarðarvegur er lokaður um óákveðinn tíma vegna snjóflóðs sem féll skammt vestan Strákaganga. Þetta kemur fram í tilkynningu frá Vegagerðinni. Snjókoma er á Norðausturlandi og þungskýjað. Meira »

„Mjög alvarlegt brot“ á Grensásvegi 12

16:15 „Við höfum fengið viðbrögð en þau hafa verið algjörlega ófullnægjandi. Við gerum bara ráð fyrir því að þeir séu að vinna í sínum málum og vinna að úrbótum. Bannið nær ekki yfir að úrbætur séu gerðar á vinnustað,“ segir Björn Þór Rögnvaldsson, lögfræðingur hjá Vinnueftirlitinu. Meira »

Mátturinn eða dýrðin - Greinaflokkur

SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
Þvottavél, þurrkari, uppþvottavél, ísskápur, gervihnattadiskur
1) BAUKNECHT ÍSSKÁPUR MEÐ FRYSTI, HÆÐ 140 SM, BREIDD 55 SM, DÝPT 60 SM. ÞÝSKT GÆ...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
 
Aðalfundur
Fundir - mannfagnaðir
Aðalfundur Aðalfundur Vör...
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Skipulagsmál
Tilkynningar
Rangárþing ytra Auglýsing um skipulags...