Þeir sem hafa átt leið hjá nýju frystigeymslu HB Granda á Norðurgarði í Reykjavík hafa eflaust rekið augun í malarþúfu sem þar stendur.
Ekki er um venjulega þúfu að ræða í þeim skilningi heldur er þar á ferð listaverk eftir listakonuna Ólöfu Nordal sem ber vinnuheitið Þúfan, að því er fram kemur í Morgunblaðinu í dag.
„Það tekur tíma að búa til manngert fjall,“ segir Ólöf spurð út í verklok en stefnt er að því að það verði fullmótað í lok október. Hugmynd hennar bar sigur úr býtum í hönnunarsamkeppni um gerð listaverks fyrir félagið.