Nauðungarsölum frestað í hálft ár
Setja bókamerki
Ríkisstjórnin samþykkti á fundi sínum í morgun að vísa til Alþingis frumvarpi Hönnu Birnu Kristjánsdóttur innanríkisráðherra um breytingu á lögum um nauðungarsölu. Frumvarpið er liður í þeim aðgerðum sem ríkisstjórnin kynnti um nýliðna helgi vegna skuldavanda heimilanna.
Gert er ráð fyrir að tillögurnar verði komnar til framkvæmda um mitt árið 2014. Því hefur innanríkisráðherra lagt fram frumvarp sem felur í sér að nauðungarsölum verði frestað fram yfir mitt næsta ár. Þannig gefst almenningi kostur á að meta þau áhrif sem aðgerðirnar hafa á skuldastöðu viðkomandi og eftir þörfum óskað eftir því að nauðungarsöluaðgerðum verði frestað fram yfir 1. júlí 2014.
Í tilkynningu frá innanríkisráðuneytinu er tekið fram að frumvarpið feli ekki í sér sjálfvirka frestun á nauðungarsölu heldur þarf gerðarþoli að óska eftir slíkri frestun.
Stefnt er að því að leggja frumvarpið fram á Alþingi á næstu dögum.
Vangaveltur gengu lengra en innistæða var fyrir
Davíð Viðarsson var skyndihugdetta
Eina leiðin var að fella björninn
Mikill útflutningur frá Vestfjörðum
Algeng laun 1,4 til 2,2 milljónir
Fjarskiptatæki um alla borg sprungu samtímis
Óánægja er með áform um efnistöku
Glæpastarfsemi orðin mun skipulagðari