Kínverskur dómstóll dæmdi íslenskan karlmann í 11 mánaða fangelsi fyrir líkamsárás í lok síðasta mánaðar. Karlmaðurinn, sem er á fertugsaldri, hefur verið búsettur í kínversku borginni Dalian.
Maðurinn var sakfelldur fyrir að hafa slegið leigubílstjóra í andlitið snemma á síðasta ári.
Utanríkisráðuneytið aðstoðar nú fjölskyldu mannsins í tengslum við málið. Ráðuneytið hefur m.a. óskað eftir heimsóknarleyfi, en það liggur ekki fyrir.