Allar viðvörunarbjöllur fara í gang

„Þetta hefur gerst áður og því fara allar viðvörunarbjöllur í gang. Við eigum ekki að að hafa áhyggjur en ég viðurkenni að ég hef sofið illa á nóttunni.“

Þetta segir Egill Steinþórsson, framkvæmdastjóri færeyska fiskeldisfyrirtækisins Faroe Farming, í fréttaskýringu í Morgunblaðinu í dag. Komið hefur upp skæð veira í einni sjókvíaeldisstöð í Færeyjum, svonefndur blóðþorri í laxi (ISA).

Ekki er talin sérstök hætta á að veiran berist í sjókvíar hér við land. Fast er tekið á málinu í Færeyjum enda gekk þessi vírus nánast af laxeldinu þar dauðu í byrjun aldarinnar.