Nokkrir starfsmenn Faxaflóahafna sf. sigldu á fimmtudaginn í síðustu viku frá Akranesi í Borgarneshöfn.
Páll S. Brynjarsson, sveitarstjóri Borgarbyggðar, segir það vera til athugunar að dýpka höfnina og laga siglingamerki svo auðvelda megi innsiglinguna og opna höfnina fyrir fleiri skipum.
„Það er nokkur smábátaútgerð í höfninni í dag en við vonumst til þess að hægt verði að gera breytingar þannig að stærri skip komist inn í höfnina.“ Páll segir þó ekki mjög stór skip geta lagst við bryggju heldur sé verið að horfa á skútur og skemmtiferðabáta sem gætu þjónað aukinni ferðamennsku á svæðinu.