Bæjarráð Árborgar hefur samþykkt að leigja 10 hektara af landi á Eyrarbakka til ræktunar á hvönn.
Það er Þröstur Þorsteinsson sem stendur fyrir ræktuninni, en hann ætlar að selja Saga Medica hvönnina til notkunar við gerð náttúrulyfja.
Þröstur segir í samtali við Sunnlenska, að auðvelt sé að halda hvönninni í skefjum þannig að hún breiðist ekki út, t.d. með sauðfjárbeit.
Plantað verður í nokkra hektara í vor.