Skíðasvæðið í Hlíðarfjalli við Akureyri hefur verið opnað og verður opið til klukkan 17:00 í dag samkvæmt tilkynningu. Eins og mbl.is greindi frá í morgun var óljóst hvort það yrði hægt vegna veðurs en vindasamt var á svæðinu.
Einnig er opið í Oddskarði á Austurlandi til klukkan 17:00 í dag og í Stafdal til 16:00. Sömuleiðis í Tindastóli við Sauðárkrók til 16 og á skíðasvæðinu við Siglufjörð. Þá verður opið á skíðasvæðinu við Ísafjörð í dag. Frá klukkan 10-17 í Tungudal og frá klukkan 11 í Seljalandsdal. Hins vegar er lokað í Bláfjöllum vegna veðurs.