Allt að fimmtán stiga hiti verður norðan- og vestanlands á morgun, samkvæmt spá Veðurstofunnar. Spáð er suðaustan 3-10 m/s, en 10-15 við suðurströndina í kvöld og 15-20 þar í nótt og á morgun. Verður skýjað og þurrt að kalla sunnan- og vestanlands, en annars yfirleitt bjartviðri.
Hiti verður víða fjögur til níu stig, en sums staðar næturfrost inn til landsins. Á höfuðborgarsvæðinu er spáð vindi suðaustan 8-13 m/s og þurru að kalla. Sjá nánar á veðurvef mbl.is:
Svona er spáin næstu daga:
Á miðvikudag:
Austlæg átt 8-15 m/s hvassast syðst. Dálítil súld eða rigning með suður- og austurströndinni, en annars víða léttskýjað. Hiti 2 til 12 stig, hlýjast suðvestantil.
Á fimmtudag:
Suðaustlæg átt, 8-13 m/s syðst, en annars 3-8. Skýjað og stöku skúrir sunnan- og austanlands, en annars bjartviðri. Hiti víða 6 til 11 stig.
Á föstudag:
Hæg norðvestlæg eða breytileg átt og skýjað með köflum, en skúrir á stöku stað. Heldur kólnandi veður, einkum fyrir norðan.
Á laugardag:
Norðlæg átt, svalt í veðri og smáskúrir eða él fyrir norðan, en annars bjartviðri og milt.
Á sunnudag:
Vestlæg eða breytileg átt með úrkomu víða um land, en fremur svalt í veðri.
Á mánudag:
Útlit fyrir norðanátt með éljum norðan- og austanlands og kólnandi veður.
Samkvæmt upplýsingum frá Vegagerðinni er hálka á Bláfjallavegi og hálkublettir í Kjósarskarði en annars eru vegir á Suðurlandi að mestu greiðfærir.
Á Vesturlandi og Vestfjörðum eru hálkublettir nokkuð víða en krapasnjór á Hálfdáni og Hjallahálsi. Hálka er á Fróðárheiði. Á Norðurlandi eru vegir að mestu greiðfærir en þó eru hálkublettir á nokkrum útvegum.
Þá eru allar aðalleiðir á Austur- og Suðausturlandi greiðfærar.