Páll Matthíasson, forstjóri Landspítalans, bindur vonir við að nýr Landspítali verði opnaður árið 2020.
Í umfjöllun um þessi áform í Morgunblaðinu í dag segir hann nýsamþykkta þingsályktun um að „fela ríkisstjórninni að ljúka eins fljótt og verða má undirbúningi“ þessa verkefnis hafa „gífurlega þýðingu“.
Kristján Þór Júlíusson heilbrigðisráðherra segir framkvæmdina verða fjármagnaða með sölu á eignum ríkisins.