Mennirnir þrír sem réðust á mann á Bústaðavegi aðfaranótt sunnudags voru úrskurðaðir í gæsluvarðhald til 18. júlí, samkvæmt upplýsingum frá lögreglu. Rannsókn málsins er enn í fullum gangi. Þrátt fyrir alvarlega áverka var sá sem ráðist var á útskrifaður af spítala nýlega.
Lögreglu var tilkynnt um líkamsárásina á Bústaðavegi og í framhaldi hennar um slasaðan mann sem hafði verið skilinn eftir á Reykjavíkurvegi, Hafnarfirði. Lögreglan staðfesti í samtali við mbl.is að árásarmennirnir hafi ráðist á manninn á Bústaðavegi, tekið hann í bíl til sín og skilið hann eftir á úti á götu í Hafnafirði.
Þegar þangað var komið hafði sá slasaði hlotið alvarlega áverka á höfði og var umsvifalaust fluttur á slysadeild með sjúkrabifreið.