Fallhlífastökkvari sem slasaðist alvarlega við fallhlífarstökk við Hellu á Rangárvöllum fyrir tæpum tveimur vikum hefur verið útskrifaður af gjörgæsludeild Landspítalans og er kominn á almenna deild, að sögn vakthafandi læknis.
Slysið varð laugardaginn 28. júní en maðurinn er vanur fallhlífastökkvari. Hann var fluttur með þyrlu Landhelgisgæslunnar á Landspítalann í Fossvogi þar sem honum var haldið sofandi í öndunarvél í nokkra daga eftir slysið.
Maður sem slasaðist í vélhjólaslysi þann sama dag skammt frá Akranesi er enn í öndunarvél en hann slasaðist alvarlega þegar hann missti stjórn á hjóli sínu og hafnaði utanvegar.