Stefnt er að því að draga úr vægi verðtryggðra lána ríkissjóðs á næstu árum en auka þess í stað vægi óverðtryggðra lána.
Fram kemur í nýrri skýrslu fjármála- og efnhagsráðuneytisins í lánamálum ríkisins fyrir árin 2014 til 2017 að aukin áhersla verði lögð á óverðtryggða útgáfu ríkissjóðs, að því er fram kemur í fréttaskýringu um þetta mál í Morgunblaðinu í dag.
Lagt er til að vægi verðtryggðra bréfa fari úr 10-40% af heildarlánasafni ríkissjóðs í 10-30%. Jafnframt á vægi óverðtryggðra bréfa að fara úr 60-80% og upp í 60-90%.