Skoska gleðipoppsveitin Belle and Sebastian er fyrsta stóra hljómsveitin sem boðar komu sína á tónlistarhátíðina All Tomorrows Parties (ATP) á næsta ári. Hljómsveitin verður aðalnúmerið á fyrsta kvöldi hátíðarinnar. Hátíðin verður haldin 2. til 4. júlí.
Þetta verður í þriðja sinn sem hátíðin verður haldin á Íslandi, en hátíðirnar síðustu tvö ár þykja hafa heppnast mjög vel. Tónleikar Portishead á föstudagskvöldi hátíðarinnar í ár voru til að mynda að margra mati einhverjir mögnuðustu tónleikar sem fólk hefði séð.
Skotarnir segjast hlakka mikið til að spila aftur á Íslandi. Hér að neðan er eitt af þekktustu lögum sveitarinnar.
Hér er hægt að nálgast miða á hátíðina.
Bestu tónleikar sem ég hef séð