Lögreglustjórarnir á Húsavík og Seyðisfirði hafa ákveðið að loka og rýma hálendið norðan Dyngjujökuls vegna jarðhræringanna á svæðinu undanfarna daga. 

Í frétt frá Almannavörnum kemur fram að um öryggisráðstöfun sé að ræða þar sem ekki sé hægt að útiloka að jarðskjálftavirknin í kringum Bárðarbungu leiði til eldgoss með stuttum fyrirvara. Telur lögreglan að öruggast sé að rýma svæðið núma, því óframkvæmanlegt sé að rýma svæðið með stuttum fyrirvara, gerist það þörf. 

Lögreglan á Húsavík og Seyðisfirði hefur nú þegar lokað leiðum inn á svæðið og vinnur að því að ná til þeirra ferðamanna sem eru á hálendinu norðan Dyngjujökuls í því skyni að þeir yfirgefi svæðið.

Hættustigi lýst yfir

Þá hafa Almannavarnir í samráði við lögreglustjórana tvo ákveðið að lýsa yfir hættustigi á svæðinu norðan Dyngjujökuls, í samræmi við mat vísindamanna. 

Hættustig er annað stig almannavarna, á eftir óvissustigi en á undan neyðarstigi. Í hættustigi felst að ef hættumat leiðir í ljós að hætta fari vaxandi verður að grípa til tafarlausra ráðstafana til að tryggja sem best öryggi þeirra sem á svæðinu búa/dvelja. Slíkt er gert með því að efla viðbúnað neyðar- og öryggisþjónustunnar á viðkomandi svæði, ásamt því að grípa til fyrirbyggjandi aðgerða s.s. rýmingar, brottflutnings eða lokunar svæða. Einnig eru leiðbeiningar og viðvaranir einkennandi fyrir þetta stig

Bárðarbunga og hálendið norðan Vatnajökuls. Kort/Landmælingar Íslands

Tengdar fréttir

Bárðarbunga

Skjálfti upp á 5 í Bárðarbungu

• Glóandi dreki og land í bláu skini
• Flestir og stærstir skjálftar í Bárðabungu
• Enn skelfur Bárðarbunga
• 3,5 stiga skjálfti í Bárðarbungu

» Fleiri tengdar fréttir

• 1 blogg um fréttina

Bloggað um fréttina

• Erlingur Alfreð Jónsson: #208. Vantar nákvæmari lýsingu á lokunum.