Vegagerðin hefur komið fyrir jarðýtu við Sandá, austustu kvíslinni á Jökulsá á Fjöllum, ef kemur til flóðs. Vegum á svæðinu hefur verið lokað og hefur Vegagerðin jafnframt sett upp aðvörunarskilti á íslensku og ensku þar sem fram kemur að hætta sé á flóði.
Raunar er áin kölluð Jökulsá í Öxarfirði eftir að hún kemur niður í byggð.
Víðar á svæðinu, þar með talið við brúna yfir Jökulsá á Fjöllum, er fjöldi stórra vinnuvéla nú í notkun. Vegagerðin hefur sótt mannskap til Þórshafnar, Kelduhverfis, Öxarfjarðar og nágrennis vegna framkvæmdanna og er fjöldi manna nú að störfum.