Reiðhjólaslys varð á göngustíg við Fífuhvammsveg v / Fífulind um tíuleytið í gærkvöldi en rúmlega tvítugur hjólreiðamaður og 11 ára stúlka á reiðhjóli höfðu skollið saman á blindhorni á göngustíg.
Stúlkan var eitthvað skrámuð í andliti. Móðir hennar kom á vettvang og fór með hana heim eftir skoðun í sjúkrabifreið. Sýnist nokkuð ljóst að sterkur hjólabrettahjálmur sem stúlkan hafði á höfði hafi bjargað henni þarna frá mun meiri höfuðáverkum. Maðurinn fann til eymsla í fæti og var fluttur með sjúkrabifreið á slysadeild.