Rúmlega 24% aukning er í sjúkraflugi frá Sjúkrahúsinu á Akureyri á milli ára. Frá janúar til júlí voru farnar 352 ferðir samanborið við 283 ferðir á sama tíma árið 2013.
Gróa Björk Jóhannesdóttir, sem situr í framkvæmdastjórn Sak, segir í viðtali við Vikudag aukninguna að hluta til skýrast af aukinni þjónustu við Vestmannaeyjar eftir að Mýflug hóf sjúkraflug þangað. Einnig hafi flug milli Akureyrar og Reykjavíkur aukist mjög.