„Stefna blaðsins er óbreytt“

Hallgrímur Thorsteinsson, ritstjóri DV.
Hallgrímur Thorsteinsson, ritstjóri DV.

„Þetta hafði stuttan aðdraganda,“ segir Hallgrímur Thorsteinsson, nýr ritstjóri DV og dv.is. Hallgrímur var ráðinn ritstjóri á stjórnarfundi DV í dag og tekur við af Reyni Traustasyni sem hefur verið leystur undan starfsskyldu um sinn. „Fyrir nokkrum dögum spurði Þorsteinn mig hvort ef til þess kæmi ég væri tilbúinn að taka að mér þetta starf. Ég hugleiddi það um nokkra stund og svo þróaðist það út frá því,“ segir Hallgrímur.

Miðillinn hefur verið umdeildur að undanförnu, en Reynir sakaði Þorstein Guðnason, stjórnarformann DV, um fjandsamlega yfirtöku á félaginu. Þá kom Björn Leifsson, eigandi World Class, inn sem hluthafi í félaginu fyrir skemmstu til þess eins að bola Reyni út, áður en hann seldi hlut sinn aftur. „Ætli maður sé ekki ævintýramaður,“ segir Hallgrímur spurður hvort atburðir síðustu vikna hafi ekki haft nein áhrif á ákvörðun hans. „Það kom smá hik en verkefnið var of spennandi fyrir mann með ólæknandi fjölmiðlabakteríu.“

Miðillinn og fólkið heillaði

Hallgrímur segir miðilinn og fólkið hafa heillað hann, og það hlutverk sem DV gegnir. „Staðan og titillinn er aukaatriði. Það er frekar tækifærið til að vinna með þessu fólki á mikilvægum miðli á mikilvægum tímum,“ segir hann.

Hallgrímur segir ritstjórnarstefnuna ekki munu breytast. „Ég sé ekki að stefnan muni breytast. Það getur orðið blæbrigðamunur, en það verður það alltaf þegar nýir stjórnendur taka við, en stefna blaðsins er óbreytt,“ segir hann. „Það er fásinna fyrir fólk sem ætlar að reka DV áfram að fara að búa til einhverja aðra stefnu úr miðlinum en er. Það er eins og að breyta spíttkerru í dúkkuvagn.“

Mun ekki taka þátt í þöggun í samfélaginu

Eins og áður sagði hefur miðillinn verið umdeildur að undanförnu, og hefur Björn meðal annars talað um að Reynir sé „mannorðsmorðingi“. Hallgrímur segir þetta ekki breyta stefnu blaðsins, og hún muni haldast. „Ég held að þessi fasta blaðamennska sem DV hefur stundað geri það að verkum að miðillinn er á köflum óvæginn en hann má líka vera það. Það má vel vera að DV hafi misstigið sig í einstaka málum en það fylgir líka landslaginu og þeim leiðum sem hann fer. DV hefur alla tíð haft forustu um það að láta mál ekki liggja í þagnargildi í litlu samfélagi þar sem allir þekkja alla. Þetta er eðlileg slóð sem blaðið hefur fetað samkvæmt sinni sannfæringu í gegnum tíðina og það hefur afleiðingar og fylgir þessari stefnu sem blaðið hefur tekið; að stinga á málum. Þá verða margir sárir oft á tíðum,“ segir hann. „Þrátt fyrir tal um þöggun þá verður það engan veginn. Stefnan er frekar að efla miðilinn, bæði blaðið og dv.is og efla þetta hlutverk sem felst í því að taka alls ekki þátt í neinni þöggun í samfélaginu.“

Hallgrímur hefur verið með fastan þátt á Rúv, Vikulokin, en mun hætta með hann. Hann tekur við ritstjórahlutverkinu á morgun. „Það er starfsmannafundur strax í fyrramálið svo þá fæ ég tækifæri til að hitta þetta góða fólk og kynnast því,“ segir hann. „Ég er mjög spenntur fyrir framhaldinu.“

Frétt mbl.is: Hallgrímur Thorsteinsson ráðinn ritstjóri DV

mbl.is

Bloggað um fréttina

Innlent »

Forsendubrestur í launastefnu

22:09 „Það er okkar sameiginlega mat að ákvarðanir í kjaramálum frá febrúar 2016, af hálfu opinberra aðila, hafa ekki verið í samræmi við þá launastefnu sem var mörkuð meðal annars með rammasamkomulaginu. Sú forsenda telst því vera brotin en ekki uppfyllt,“ segir Gylfi Arnbjörnsson forseti ASÍ. Meira »

Vogar mótmæla vegtollum

21:39 Bæjarstjórn sveitarfélagsins Voga mótmælir harðlega fyrirhuguðum aðgerðum samgönguráðherra að leggja á vegatolla á Reykjanesbraut og aðrar stoðbrautir. Meira »

Farið yfir framtíð Breiðholtsins

21:20 Greint verður frá uppbyggingu í Breiðholtinu, einkum á svæðinu við Mjódd, á íbúafundi annað kvöld. Talsverðar breytingar eru fyrirhugaðar á svæðinu og meðal annars hyggst fyrirtækið Hekla flytja starfsemi sína í nýtt húsnæði í Suður-Mjódd. Á fundinum verður jafnframt gefin heildarmynd af hverfinu. Meira »

Kársnesskóli rýmdur vegna rakaskemmda

20:17 Bæjaryfirvöld í Kópavogi hafa ákveðið í samráði við skólastjórnendur að flytja nemendur í Kársnesskóla úr vesturálmu hússins á meðan á viðgerð stendur vegna rakaskemmda og myglu. Fyrst var talið að rakaskemmdirnar væru staðbundnar en nýverið kom í ljós að þær kunna að vera dreifðari en talið er. Meira »

Segir meinta nauðgun „misskilning“

19:34 Hæstiréttur staðfesti í dag fjögurra vikna gæsluvarðhald yfir spænskum karlmanni sem grunaður er um að hafa nauðgað tveimur konum og káfað á þeirri þriðju á hóteli á Suðurlandi um þarsíðustu helgi. Hann verður í haldi fram til 17. mars næstkomandi. Meira »

Fékk verðlaunin 50 árum síðar

19:30 Benedikt Jóhannesson, fjármála- og efnahagsráðherra, fékk í gærkvöldi afhent verðlaun fyrir sigur á barnaskákmóti TR fyrir 50 árum. „Þetta hefur verið erfið bið og bitur en hún sýnir að þó tíminn lækni ekki öll sár, getur það læknað að fá launin á endanum,“ segir hann og hlær við. Meira »

Vill að Alþingi hafni áfengisfrumvarpi

18:53 Bæjarstjórn Seltjarnarness hvetur alþingismenn til þess að hafna frumvarpi sem liggur fyrir Alþingi um afnám einkaleyfis Áfengis- og tóbaksverslunar ríkisins á smásölu áfengis og heimilar áfengisauglýsingar. Meira »

Kæra kosningu um sjómannasamning

18:58 „Það leið of stuttur tími frá því að kjarasamningur sjómanna var undirritaður og hann kynntur og síðar settur í atkvæðagreiðslu. Tímamörkin voru ekki virt,“ segir Heiðveig María Einarsdóttir, viðskiptalögfræðingur og sjómaður. Meira »

Ungskáldin á öllum aldri... líka 57 ára

18:30 „Ljóðin í Gáttatifi eru bernskuljóð í þeim skilningi að þau eru með fyrstu ljóðunum mínum,“ segir Sigurbjörg Friðriksdóttir, sem sendi frá sér sína fyrstu ljóðabók, komin hátt á sextugsaldur. Hún segist hvergi nærri vera hætt. Meira »

Uppbókað næstu tvo mánuði

18:05 „Við höfum lagt upp með vissa fílósófíu fyrir allan veitingastaðinn,“ segir Hinrik Karl Ellertsson rekstrarstjóri Dill sem varð fyrstur íslenskra veitingastaða til að hljóta Michelin-stjörnu. Hráefni er sótt í nærumhverfið og er rekjanlegt, hann segir mikla aðsókn og tveggja mánaða bið eftir borði. Meira »

Biðlistar lengjast vegna handavinnu lækna

17:31 Þekkingu sérfræðilækna má nýta með mun skilvirkari hætti en gert er í dag að mati Björns Guðbjörnssonar gigtarlæknis. Segir Björn ýmsa handavinnu sem læknar þurfi að sinna í dag eiga sinn þátt í því að biðlistar lengist. Meira »

Sagður hafa ógnað drengjum með hnífi

17:18 Karlmaður var handtekinn og yfirheyrður í gærkvöldi eftir að tveir 14 ára drengir tilkynntu lögreglu um að maðurinn hefði ógnað þeim með hnífi. Atvikið átti sér stað í Árbæ við Fylkisheimilið. Málið er til rannsóknar hjá lögreglunni. Meira »

Telja vegaskemmdir ógna öryggi sínu

16:52 Mikill meirihluti landsmanna verður oft var við skemmdir á götum eða vegum og mikill meirihluti telur sömuleiðis öryggi sínu vera ógnað af ástandi vega hér á landi. Þetta er meðal þess sem kemur fram í könnun sem Gallup gerði fyrir Samgöngustofu um aksturshegðun almennings. Meira »

Kannabisræktendur í fangelsi

15:55 Tvennt var dæmt í fjögurra og sex mánaða fangelsi hvort um sig fyrir fíknihefnalagabrot í héraðsdómi Reyjavíkur í dag. Kannabisplöntur fundust á heimili þeirra beggja og þar til gerður búnaður til ræktunar sem lögreglan lagið hald á. Meira »

Furðulegasta fýlubomban

15:19 Þingmenn stjórnarandstöðunnar stigu í ræðustól Alþingis við upphaf þingfundar í dag undir liðnum fundarstjórn forseta og gagnrýndu þingmenn Viðreisnar og Bjartrar framtíðar fyrir að hafa ekki tekið þátt í tveimur sérstökum umræðum sem fram fóru í þinginu í gær. Meira »

Glatað ár kostar sjö milljónir

16:44 „Heilsufarsskaði Íslendinga nemur 420 milljörðum á ári sé miðað við verga landsframleiðslu á mann og „glötuð góð æviár“ eins og þau eru mæld af Alþjóðaheilbrigðisstofnuninni.“ Þetta kemur fram í leiðara Guðmundar Löve, framkvæmdastjóra SÍBS, í nýjasta blaði SÍBS. Meira »

Gagnagrunnar geta bætt meðferð

15:40 Gloppur í nákvæmni meðferða og erfiðleikar við að veita rétta meðferð sístækkandi hópi sjúklinga í þjóðfélögum sem eru að eldast, eru meðal þeirra vandamála sem gagnagrunninum Watson Health er ætlað að takast á við að sögn Anders Quitzau hjá IBM. Meira »

Rúmlega tvö þúsund undirritað

15:00 Rúmlega tvö þúsund manns hafa skrifað nafn sitt á undirskriftalista gegn frum­varpi um að leyfa frjálsa sölu áfeng­is og áfengisaug­lýs­ing­a á vefn­um www.allraheill.is. Skráningin opnaði í gær. Meira »
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
Málningar- og viðhaldsvinna
Getum bætt við okkur inni- og útiverkefnum. Vönduð vinnubrögð og góð umgengni. T...
ICELANDIC-ÍSLENSKA f. útl-ENSKA f. fullorðna ENGLISH
Byrja/Start:: 6/3, 3/4, 1/5, 29/5, 26/6, 21/8, 11/9: 4 vikur/weeks x 5 daga/days...
Lagerhreinsun herraskór
LAGERHREINSUN !!! herraskór á kr. 4.900,- ATH stakar stærðir Laugavegi 178 Sími ...
 
Eruð ferðamenn aðalvandamálið
Fundir - mannfagnaðir
Félag sjálfstæðismanna í Skóga- o...
Félagslíf
Staður og stund
Aflagrandi 40 Opin vinnustofa kl. 9, gön...
Framhald uppboðs
Nauðungarsala
Uppboð Einnig birt á www.naudungarsolu...
I.o.o.f. ob.1,petrus [1972218[ erindi
Félagsstarf
I.O.O.F. Ob.1,Petrus = 01972218= Erind...