Ákvörðun sjávarútvegsráðherra um að stöðva veiðar smábáta í síðustu viku þegar aflahámarki þeirra var náð hefur sætt nokkurri gagnrýni.
Ráðherra hyggst þó ekki hvika frá þessari ákvörðun og segir stjórnkerfi fiskveiða ekki byggjast á hentistefnu.
„Ég skil rökin fyrir þessum kröfum smábátasjómanna þegar fiskurinn er víða við landið, tæki og tól eru til veiðanna og vissulega felst verðmæta- og atvinnusköpun í þessum veiðum,“ segir Sigurður Ingi Jóhannsson sjávarútvegsráðherra.