Glæsiskipið Royal Princess kom til hafnar í Reykjavíkur í morgun með yfir þrjú þúsund farþega. Það er rúmlega 140 þúsund brúttótonn að stærð og stærsta skip sem hingað hefur lagt leið sína. Skipið var tekið í notkun í fyrrasumar og gaf Katrín hertogaynja af Cambridge, eiginkona Vilhjálms Bretaprins, skipinu hið konunglega nafn.
Royal Princess er um 330 metrar að lengd eða á við þrjá fótboltavelli og hæðin er rúmlega 60 metrar. Yfirbygging skipsins er mikil og svalir þekja báðar hliðar þess þannig að það tekur mikinn vind á sig, en á sunnudagsmorgun er spáð suðlægum vindi, 9-10 metrum á sekúndu. Stærsta skip sem áður hafði komið hingað var Adventure of the Seas, sem var hér síðast fyrir tæpum hálfum mánuði, það er rúmlega 137 þúsund brt.