Sex þingmenn Sjálfstæðisflokksins hafa lagt fram frumvarp á Alþingi þar sem lagt er til að lágmarksútsvar verði afnumið úr lögum um tekjustofn sveitarfélaga. Frumvarpið hefur verið lagt fram í tvígang, en í hvorugt skiptið hlotið afgreiðslu.
Flutningsmenn frumvarpsins eru þau Unnur Brá Konráðsdóttir, Ragnheiður Ríkharðsdóttir, Guðlaugur Þór Þórðarson, Pétur H. Blöndal, Vilhjálmur Bjarnason og Vilhjálmur Árnason.
Í greinargerð frumvarpsins segir að með þessari breytingu sé sveitarfélögum veittur möguleiki á að lækka útsvar án þess að löggjafinn standi í vegi fyrir því.
Sjá frumvarpið hér