Vélhjólaíþróttaklúbburinn heldur í dag styrktarmót fyrir Brynju Hlíf Hjaltadóttur sem slasaðist illa á mótorkrossæfingu í Noregi þar sem hún stundar nám. Brynja er talin einn besti mótorkross-keppandi Íslands og stóð hún sig vel í keppnum í sumar.
Í slysinu brotnuðu meðal annars þrír hryggjarliðir og hefur hún litla sem enga tilfinningu fyrir neðan brjóst.
Fjölskylda hennar er vongóð og Brynja er ákveðin í því að yfirstíga þessi erfiðu meiðsl. Styrktarmótið í dag hefst klukkan 12 og er það haldið á gamla hestasvæði Glaðheima í Kópavogi. Verður keppt í Enduro-akstri og renna keppnisgjöld óskert til Brynju og fjölskyldu hennar auk þess sem hægt verður að kaupa veitingar og annan varning, henni til styrktar.
Sjá frekari upplýsingar um mótið.