Sól framundan á Suðurlandi

Grasið slegið á hringtorgi í haustblíðunni við Hádegismóa.
Grasið slegið á hringtorgi í haustblíðunni við Hádegismóa. mbl.is/Þórður Arnar Þórðarson

Tveir sólríkir dagar eru í vændum á Suðurlandi samkvæmt spá Veðurstofu Íslands. Kuldinn er þó skollinn á um land allt og verður hitinn rétt í kringum frostmark um allt land. Um miðja viku virðist blíðviðrið færast norðar og Norðurland fær að njóta sólarinnar um skeið. 

Á morgun verður léttskýjað eða heiðskírt á Suðurlandi og hitinn rétt yfir frostmarki. Á Norðurlandi verður skýjað og snjór eða rigning á köflum, en það ræðst af hitastiginu hvernig úrkoman verður því hitastigið verður í kringum núll gráður. 

Á þriðjudaginn fer sólin að teygja sig vestar og hálf- eða léttskýjað verður á Vesturlandi. Áfram verður þó úrkoma á Norður og Norðausturlandi og hálfskýjað víða á Suðurlandi. 

Á miðvikudag verður skýjað á Suðurlandi en hálf- eða léttskýjað á Norður- og Norðausturlandi áður en skýin færast yfir allt land á fimmtudag. 

Sjá veðurspána á veðurvef mbl.is

Veðrið á hádegi þann 27. október.
Veðrið á hádegi þann 27. október. Veðurvefur mbl.is
mbl.is

Bloggað um fréttina

Fleira áhugavert
Fleira áhugavert