Á Suðurlandi eru vegir að mestu greiðfærir, þó eru hálkublettir á örfáum vegum. Vegir eru einnig mikið auðir við Faxaflóa en hálka er á Holtavörðuheiði og Fróðárheiði. Hálkublettir eru á Bröttubrekku.
Hálka er á öllum helstu fjallvegum á Vestfjörðum og eins á köflum á láglendi. Hálkublettir eru í Djúpinu. Þæfingsfærð er á leiðinni norður í Árneshrepp á Ströndum.
Á Norðurlandi er víðast hvar hálka eða snjóþekja. Víða á Austurlandi er hálka eða hálkublettir. Greiðfært er frá Eskifirði suður um. Á Suðausturlandi er hálka á kafla vestan við Kirkjubæjarklaustur.