Mengun af völdum brennisteinsdíoxíðs mælist nú á norðanverðu Snæfellsnesi og Búðardal. Handheldur SO2-mælir í Ólafsvík sýnir að mengunin mælist 3700 míkrógrömm á rúmmetra. Þessar mælingar eru í samræmi við spá Veðurstofu Íslands sem spáði gasmengun á norðvesturlandi í dag.
Þetta kemur fram í tilkynningu frá almannavörnum.
Almenningur er hvattur til þess að kynna sér ráðleggingar yfirvalda sem lesa má á vefsíðu almannavarna.