Stórar verkfræðistofur hér á landi sækja talsverðan hluta verkefna sinna til annarra landa, ekki síst Noregs, þótt stór hluti þeirra sé unninn af starfsmönnum þeirra hér á landi.
Þannig eru verkfræðistofurnar Verkís og EFLA með mikil verkefni erlendis og tekjur af þeim verkefnum nema allt að 40% af árstekjum stofanna, að því er fram kemur í umfjöllun um starfsemi verkfræðistofanna ytra í Morgunblaðinu í dag.
Verkís er með allskyns verkefni, í byggingum, skólum, heilsugæslustöðvum, hjúkrunarheimilum og öðrum byggingarverkefnum þeim tengdum. Auk þess hefur stofan verið með verkefni í Tansaníu, Kenía, Tyrklandi, Georgíu og Indlandi. Þá kemur fram í Morgunblaðinu, að EFLA er með starfsemi á nokkrum stöðum erlendis.