Verður vísað úr Íslandsmótinu

Liðinu verður að óbreyttu vísað úr Íslandsmótinu.
Liðinu verður að óbreyttu vísað úr Íslandsmótinu. mbl.is

Körfuknattleiksliði Vals í 7. flokki stúlkna verður vísað úr Íslandsmótinu, þar sem stúlkurnar munu að óbreyttu ekki mæta til leiks á móti sem fram fer á Egilsstöðum helgina 15.-16. nóvember næstkomandi. Mánudaginn 17. nóvember hefur skólinn þeirra, Hlíðaskóli, skipulagt fimm daga ferð fyrir 7. bekk á Reyki í Hrútafirði, en foreldrar stúlknanna telja of stutt á milli ferðanna auk þess sem kostnaðurinn af þeim er verulegur.

„Það er fyrirfram plönuð mótadagskrá yfir allan veturinn, sem við fáum afhenta hjá Val í september, fyrir mánuði síðan. Þá sjáum við hvenær næstu umferðir í Íslandsmótinu fara fram. Og við sáum að það væri mót þarna 15.-16. nóvember. En við fáum ekki að vita fyrr en núna um helgina að það eigi að fara fram á Egilsstöðum,“ segir foreldri stúlku í Valsliðinu.

Ferðin að Reykjum var ákveðin í sumar og auglýst á skólasetningu í ágúst en hún kostar 25 þúsund krónur og lagt verður af stað kl. 8 á mánudagsmorgni. Foreldrum hugnaðist illa sú tímaþröng sem stúlkurnar yrðu settar í ef þær kæmu þreyttar heim af móti að kvöldi sunnudags og legðu í aðra langferð morguninn eftir, auk þess sem viðbótarkostnaðurinn er einhverjum hreinlega ofviða.

Eftir umræður í flokknum óskaði þjálfari stúlknanna eftir því við Körfuknattleikssamband Íslands að þær fengju að gefa frá sér leikina á Egilsstöðum. „Þetta eru þrír leikir sem eiga að fara fram og ef þær gefa frá sér leiki þá bara þýðir það að þær lýsa yfir að þær tapi þeim,“ segir foreldrið, sem vill ekki koma fram undir nafni.

Þjálfarinn fékk þau svör að samkvæmt reglugerð yrði liðið sektað og vísað úr Íslandsmótinu ef það mætti ekki í tvo leiki á sama móti. Í reglugerðinni er vísað til þess að gildar ástæður, að mati mótsnefndar, verði að liggja til grundvallar því að lið sæti ekki refsingum, en ástæður foreldranna um kostnað og knappan tíma voru ekki teknar gildar af KKÍ.

Reiðar og sárar

Foreldrið sem mbl.is ræddi við sagði stúlkurnar reiðar og sárar vegna svara KKÍ. Þær hafi lýst þeirri afstöðu að þær muni örugglega fá annað tækifæri til að keppa á Egilsstöðum en ekki til að fara í skólabúðir að Reykjum.

„Þetta eru rosalega harkaleg viðbrögð og harkalegar reglur. Þessi börn eru ekki í NBA. Þau eru bara í íþróttum að reyna að hafa gaman og maður spyr bara: hvar er íþróttaandinn?“

Foreldrar stúlknanna telja ástæður sínar gildar; þeir treysti sér ekki til að senda stúlkurnar austur. Málið hefur mikið verið rætt í þeirra hópi og meðal þeirra ríkir samstaða.

„Við höfum verið að ræða það hvað við getum gert. Hvort við gætum sent sex stelpur á mótið og tekið sameiginlega þátt í að senda þær; farið í einhverja massíva fjáröflun þannig að allur peningur sem kæmi inn myndi fara í að senda þær austur. En flug austur og til baka kostar alveg 27 þúsund krónur á mann, þannig að þetta eru alveg gríðarlegir peningar.“

Foreldrið hefur áhyggjur af því að framtíð liðsins sé í hættu. „Ef börn fá engar áskoranir aðrar en að mæta á æfingar, og fá ekki að spreyta sig í keppni, þá þroskast þau ekki sem leikmenn. Ég efast um að margar stúlknanna haldi áfram að æfa í vetur ef liðinu verður vísað úr Íslandsmótinu.“

mbl.is

Bloggað um fréttina

Innlent »

Íhugar kæru til Mannréttindadómstóls

19:22 Geir Gestsson, hæstaréttarlögmaður og verjandi fyrrverandi starfsmanns Byko sem var sakfelldur í Hæstarétti Íslands, segir að til greina komi að kæra málið til Mannréttindadómstóls Evrópu. Meira »

Tveir með augastað á tré

18:59 Fuglar og krúttlegir litlir englar úr tré hafa hreiðrað um sig í elstu gleraugnaverslun landsins á Laugaveginum. Herraþverslaufur úr tré taka einnig rými innan um og saman við gleraugnaumgjarðir af ýmsu tagi – líka úr tré. Sjóntækjafræðingarnir Rüdiger Þór Seidenfaden og Darri Ásbjörnsson segja varninginn ríma hvort tveggja við vistvænan lífstíl og fagurfræði. Meira »

Píratar hefja viðræður á mánudag

18:11 Verkferlar og málefni voru meðal þess sem þingflokkur Pírata ræddi á fundi sínum í dag. Smári McCarthy, þingmaður Pírata, segir fundinn hafa snúist um undirbúning fyrir formlegar stjórnarmyndunarviðræður. Meira »

Sló lögreglumann í kynfærin

17:53 Embætti héraðssaksóknara hefur ákært karlmann á fimmtugsaldri fyrir að hafa í nóvember 2015 slegið lögreglumann með krepptum hnefa í kynfærin. Lögregla hafði komið á vettvang til að aðstoða sjúkraflutningamenn sem höfðu verið kallaðir á heimili í Kópavogi. Maðurinn hafði kvartað yfir eymslum í baki. Meira »

Fyrirtæki víkja fyrir nýrri byggð

17:38 Fyrirhuguð er mikil uppbygging íbúðarhúsnæðis á Ártúnshöfða og við Elliðavog á næstu árum. Þar hafa nokkur fyrirtæki verið með starfsemi um áratuga skeið en þau þurfa nú að víkja. Meira »

Á Íslandi meðan á samræðum stendur

16:17 Bragi Guðbrandsson, forstjóri Barnaverndarstofu, telur ólíklegt að íslenskur drengur sem norsk barnaverndaryfirvöld hafa forræði yfir verði sendur til Noregs meðan á samræðum milli barnaverndaryfirvalda landanna stendur. Meira »

Úrskurðaður í farbann

15:36 Héraðsdómur Reykjaness hefur úrskurðað karlmann á fimmtugsaldri í farbann. Þetta staðfestir lögreglan á Suðurnesjum. Hann er grunaður um að hafa tekið myndir í óleyfi á Facebook-síðum ungra stúlkna og birt þær á eigin vefsíðu undir því skyni að þær væru falar til fylgdarþjónustu. Meira »

Maraþonhlaupari í „lélegu formi“

15:39 Skokkarinn Bryndís Svavarsdóttir kallar ekki allt ömmu sína. Flestir sem hafa gaman af því að hlaupa láta sér nægja eitt, kannski tvö maraþonhlaup á ári. Bryndís er ekki ein af þeim en hún hefur hlaupið 206 maraþonhlaup en fyrsta hlaupið hljóp hún fyrir 21 ári. Fyrsta maraþonið hljóp hún í Svíþjóð. Meira »

Vilja ekki fleiri brottvísanir

14:41 Á fimmta tug mótmælenda söfnuðust saman á Hlemmi í Reykjavík um klukkan tvö í kröfugöngu til stuðnings réttindum hælisleitenda og flóttamanna. Krafa þeirra er að Útlendingastofnun verði lögð niður, fólk fái að vinna á meðan mál þess er í vinnslu og að mál þeirra verði rannsökuð af alvöru. Meira »

Horfa á stöðuna með opnum huga

13:50 „Við horfum á þetta með opnum huga,“ segir formaður Vinstri grænna um hvort forsendur til myndunar fimm flokka stjórnar hafi breyst eftir að Píratar fengu umboð til stjórnarmyndunar í gær. Meira »

Óábyrg ákvörðun að auka kvótann

13:30 Þetta er afskaplega óábyrgt af Norðmönnum og kemur okkur verulega á óvart,“ segir Sigurgeir Þorgeirsson hjá atvinnu- og nýsköpunarráðuneytinu og samningamaður fyrir Íslands hönd um uppsjávarstofna. Meira »

Borgarstjórinn ásamt jólasveinum í jólaskógi

13:00 Dagur B. Eggertsson, borgarstjóri Reykjavíkur, felldi í morgun jólatré í Jólaskógi Skógræktarfélags Reykjavíkur, en það er hefð hjá mörgum fjölskyldum að heimsækja skóginn til að höggva eigið tré fyrir jólin. Meira »

Píratar funda í dag

11:04 Píratar munu funda í dag en ekki með öðrum flokkum að sögn Birgittu Jónsdóttur, þing­flokks­formanns Pírata. Í dag verður lagður grunnur að fundi við aðra flokka sem verða annaðhvort annað kvöld eða á mánudagsmorgun. Í gær veitti for­seti Íslands henni og Pír­öt­um umboð til stjórn­ar­mynd­un­ar. Meira »

Syndir oftar en hún tekur ferjuna

08:30 Það má ábyggilega finna presta sem ganga á fjöll, hlaupa víðavangshlaup, synda í sjónum, eru með bláa beltið í karate, syngja í kór, spila á trompett og úkúlele, baka fimm sortir af smákökum fyrir jólin og hafa skrifað bók. Meira »

Leikskólanum Mýri lokað í júlí

08:18 Leikskólanum Mýri í Vesturbæ Reykjavíkur verður lokað 15. júlí 2017. Þetta var ákveðið á fundi borgarráðs 1. desember að tillögu skóla- og frístundasviðs með atkvæðum meirihluta Samfylkingar, Bjartrar framtíðar, Pírata og VG. Sjálfstæðisflokkur og Framsóknarflokkur sátu hjá. Meira »

Fundu upphafsmann „dabbsins“

10:42 Einu sinni var það plankinn. Nú er það dabbið sem allir eru að gera. Æðið hófst af alvöru í vor og er að ná hámarki. En hvaðan er þetta og af hverju er fólk að gera þetta? Meira »

Vestasti hluti Kársness breytir um svip

08:19 Blönduð byggð íbúða og atvinnuhúsnæðis, vistvænar samgöngur, verslun og þjónusta verða áhersluatriði í uppbyggingu vestasta hluta Kársness. Samhliða uppbyggingu verður reist brú fyrir gangandi, hjólandi og almenningsvagna yfir Fossvog sem tengja mun svæðið við háskólasvæði Háskólans í Reykjavík, Háskóla Íslands og miðbæ Reykjavíkur. Meira »

Deila um sölu brauða í Krónunni

07:57 Heilbrigðisnefnd Hafnarfjarðar- og Kópavogssvæðis hefur krafið verslunarkeðjuna Krónuna um úrbætur á því hvernig staðið er að sölu á fersku brauðmeti í fjórum verslunum Krónunnar í Kópavogi og Hafnarfirði. Meira »
Frá Kattholti
Kæru vinir, hjartans þakklæti til ykkar allra sem komu og studdu okkur þann 26.n...
fjórir stálstólar nýtt áklæði.þessir gömlu góð
er með fjóra íslenska stálstóla nýtt áklæði á 12,500 kr stykkið sími 869-2798...
Til sölu Hyundai Sonata. Einn eigandi. Gott eintak
HYUNDAI SONATA GLS, 5/2007 https://bland.is/til-solu/farartaeki/bilar/til-solu-h...
BÍLAKERRUR NÝ SENDING TIL AFGREIÐSLU
Vorum að fá sendingu af vinsælu HULCO fjölnotakerrunum, sjá fjölda mynda bæði á ...
 
Framhald uppboðs
Nauðungarsala
Uppboð Einnig birt á www.naudungarsolu...
L edda 6016112919 ii
Félagsstarf
? EDDA 6016112919 II Mynd af auglýsi...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Á Aðventudagskránni í dag:...