Hömlur, dótturfélag Landsbankans, hafa selt lóðir fyrir nokkra milljarða króna sunnan við verslunarmiðstöðina Smáralind í Kópavogi.
Lóðirnar voru seldar til nýs fjárfestingasjóðs, Grunns 1, og er Klasi ehf. eini fjárfestirinn í honum.
Í umfjöllun um þetta mál í Morgunblaðinu í dag vonast Ingvi Jónasson, framkvæmdastjóri Klasa, til að framkvæmdir í svonefndri Smárabyggð geti hafist eftir ár. Áformað er að reisa um 500 íbúðir í hverfinu. Uppbyggingin kostar tugi milljarða.