Það er hálka bæði á Hellisheiði og í Þrengslum og víða er hált á Suðurlandi. Hálkublettir eru á Reykjanesbraut og á köflum á Suðurnesjum. Kjósarskarð er þungfært.
Þetta kemur fram í tilkynningu frá Vegagerðinni.
Hálka og hálkublettir eru á köflum á Vesturlandi, einkum í innsveitum og á heiðum. Enn er flughált á Holtavörðuheiði.
Á Vestfjörðum er víða hálka eða krapi. Flughált er á köflum í Djúpinu og eins á Ströndum og Þröskuldum.
Hálka, hálkublettir eða krapi er á vegum á Norðurlandi, einkum á heiðum og útvegum.
Það er hálka á Mývatns- og Möðrudalsöræfum og á Austurlandi er hálka inn til landsins en á köflum hálkublettir með ströndinni.
Á Suðausturlandi er sumstaðar nokkur hálka eða krapi.